Sie sind hier

Chouche Feidt: D’Barrière zu Helsem ass geschwë Vergaangenheet

Walfer Journal Mobilitéit

Fir déi meescht Walfer ass et evident: d’Walfer Barrière fir op de Stafelter ass ëmmer zou! Effektiv: duerch d’Erhéijung vun der Frequenz vun den Zich, déi duerch Walfer fueren, ass d’Barrière nach méi dacks zou wéi fréier. Zënter Jore läit et der Walfer DP-Sektioun um Häerz, dës Barrière ofzeschafen an duerch en Tunnel z’ersetzen. Dofir wäert et och jidderee freeën, datt d’Aarbechte fir dës Unterführung nach virum Summer ufänke sollen. «Ech weess net, wéi vill Zäit vu mengem Liewen ech virun dëser Barrière verbruecht hunn», seet de Chouche Feidt, deen zu Helsem déisäit der Barrière wunnt.

Dat Ganzt huet och en direkten Afloss op d’Liewensqualitéit vun den Helsemer Awunner: d’Autoen, déi am Stau virun der Barrière stinn, stoussen net nëmmen onnéideg vill Ofgasen an d’Loft wann si hire Motor lafe loossen, mä si maachen och nach Kaméidi a verbrauchen onnëtz Energie.

 

«Zu Helsem waarde mir schonn zënter Joren drop, datt dës Barrière endlech ofgeschaaft gëtt!»
Chouche Feidt, Member vun der Verkéierskommissioun

 

Fir de Verkéier ze berouegen, plangt de Ministère och d’Haaptstrooss nei ze amenagéieren. D’N7 méi flott ze gestalten ass sécherlech am Interêt vun den Awunner, mä et däerf awer net sinn, datt mir doduerch Parkplaze verléieren. De Manktem u Parkraum, besonnesch während grousse Manifestatiounen, ass nach ëmmer e Problem zu Walfer. D’Walfer DP fuerdert dofir scho laang de Bau vun engem Parkhaus an hofft dobäi op Ënnerstëtzung vun den zoustännege Ministèren.

 

Français:

La fin du passage à niveau de Helmsange

Pour beaucoup c’est une évidence : la barrière du passage à niveau de Helmsange est toujours fermée! Il est vrai que la cadence des trains traversant Walferdange a considérablement augmenté pendant ces dernières années. Voilà pourquoi le Parti Démocratique se réjouit du fait que les travaux de construction du passage souterrain débuteront dans quelques mois. « Je ne sais pas combien de temps de ma vie j’ai passé à attendre devant cette barrière » évoque Chouche Feidt, résident de Helmsange. Concernant le projet du ministère de réaménager le N7, le DP est favorable à l’embellissement de la route principale sous condition de ne pas perdre davantage de places de parking qui sont d’ores et déjà trop rares à Walferdange, surtout lors de grands événements.

 

English:

The end of the Helmsange railway crossing

For many people it is obvious: the barrier of the crossing of Helmsange is always closed! It is true that the rate of trains crossing Walferdange has considerably increased in recent years, thus leaving cars waiting at the crossing. Therefore the Democratic Party is delighted that the construction of the underground passage will begin in a few months. „I do not know how many hours of my life I‘ve been waiting in front of this gate,“ claims Helmsange resident Chouche Feidt.